RSS

வெடிகுண்டு மனிதர்

17 Nov

paris-attack

“தேவை ஒரு வெடிகுண்டு” – இதுதான் கவிஞர் இஜட் ஜபருல்லாஹ் எழுதிய கவிதையின் தலைப்பு. சர்ச்சைக்குரிய நபர் இவர் என்பது உண்மைதான் போலும். மாற்றி யோசிக்கலாம். ஆனால் படிக்கின்றவர்கள் என்ன நினைப்பார்கள்? எரிகிற தீயில் எண்ணையை ஊற்றுகிறாரா இவர்? ஏற்கனவே முஸ்லிம் என்றாலே தீவிரவாதி என்று ஆளாளுக்கு பதிவு போடுகின்றான். அதற்கிடையில் இது வேறயா?

பாரீஸ் பயங்கரவாதத் தாக்குதலில் பலியானவர்களுக்கு உலகமே கண்ணீர் அஞ்சலி செலுத்துகிற இந்த நேரத்தில் “தேவை ஒரு வெடிகுண்டு” என்ற தலைப்பிட்ட இந்த கவிதையை பதிவேற்றத்தான் வேண்டுமா? என்று ஒன்றுக்கு இரண்டுமுறை சிந்தித்துப் பார்த்தேன்.

முடிவில் “ஆம்..! பதிவேற்றத்தான் வேண்டும்” என்ற முடிவுக்கு வந்தேன். காரணம்  15.12.1997 அன்று அவர் எழுதிய இக்கவிதை 18 ஆண்டுகளுக்குப்பின் இப்போதைய சூழ்நிலைக்கு  முற்றிலுமாக பொருந்துகிறது. அப்பொழுதிலிருந்தே பயங்கரவாதத்தை எதிர்த்துக் குரல் கொடுத்துவரும் அவருடைய முதுகில் ‘சபாஷ்’ என்று  தட்டவேண்டும் (மெதுவாகத்தான்.. வேகமாகத் தட்டினால் அவர் தாங்க மாட்டார்) என்கிறது மனது.

 

தேவை ஒரு வெடிகுண்டு

ஆண்டுகள்
முன்னோக்கி நடக்க
இந்த –
மனிதர்கள் மட்டும் ஏன்
பின்னோக்கியே
ஓடுகிறார்கள் .,?

பொற்காலம்
முன்னிருக்க
தற்காலம் ஏன்
கற்காலம் ஆகிறது..?

மதம் பிடித்தவர்களின்
மூளைச் சலவைக்குள்
மாட்டிக் கொண்ட இவர்கள்
தன் மனஅழுக்குகளை
எப்படி –
சலவை செய்யப் போகிறார்கள்..?

கில்லட்டின் அழிந்தது
என மகிழ்ந்தால் – இன்று
ஜெல்லட்டின் வந்து
அலைக்கழிக்கிறதே ?

‘நாட்டு வெடி’ என
பெயரிட்டதால்
நாட்டையே அழிக்கிறதோ?

வகை வகையாய்
வெடிகுண்டு செய்யும்
வல்லுநர்களே..!

சாதி – மத – இன
வேற்றுமை சுவர்களை
தகர்த்து தரைமட்டமாக்கும்
ஒரு நல்லவெடிகுண்டு
தயார் செய்யுங்களேன்.. !!!

கவிஞர் இஜட் ஜபருல்லாஹ்
15.12.1997

 

Advertisements
 

Tags:

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

 
%d bloggers like this: