RSS

மாந்தரில் முதலிடம்

15 Feb

சரோஜினி நாயுடு புகழ்ந்த
சன்மார்க்கத் தூதர் !

விவேகானந்தர் போற்றிய
விந்தைக்குரிய மாந்தர் !

பெனார்ட்ஷா வியந்த
பெருமானார் பெருந்தகை !

நெப்போலியன் மெச்சிய
நிறைவான மனிதர் !

மைக்கேல் ஹார்ட் முதலிருத்திய
மாண்புமிகு புனிதர் !

உலக மாந்தர்களில் நூறு
உத்தமர்களில் முதலில் இவர் பேரு !

செல்வாக்கு மிகுந்த மனிதர்களில்
சொல்வாக்கு மாறா இவருக்குத்தான்
எல்லோர்க்கும் மேலாக
இருத்துகிறார் முதலிடம் !

அவர் Humble மட்டுமல்ல
அவர் Simple மட்டுமல்ல
உலக மாந்தர்களுக்கு ஒரு Sample !

ஆம்….
அண்ணலார் நமக்கோர்
அழகிய முன்மாதிரி !

பாலையில் பூத்த இந்த
பாரிஜாத மலருக்கு
சாலையோரங்களில்
சிலைவடிவம் இல்லை !

அரபு தேசங்களிலும்
ஆளுயர பதாகைகள் இல்லை !

வரவேற்பு அறைகளில்
வரைபடங்கள் இல்லை !

அர்ச்சனைகள் இல்லை
அபிஷேகம் இல்லை !

கீர்த்தி பெற்ற இம்மனிதருக்கு
மூர்த்தியெனும் விக்ரகம் இல்லை !

உறைந்து கிடப்பதோ
ஒவ்வொருவர் உள்ளங்களிலும் !

நிறைகுடமாய் நிறைந்து வழிவதோ
நேசிக்கும் அத்தனை நெஞ்சங்களிலும்

மருத்துவம் படிக்காத
மருத்துவர் இவர் !

விஞ்ஞானம் பயிலாத
விஞ்ஞானி இவர் !

பள்ளிச் சென்று பயிலாத
படிக்காத மேதை இவர் !

பளபளக்கும் கிரிடம் அணியா
பாருலக வேந்தர் இவர் !

அரசியல் சீர்த்திருத்தம் கண்டவர்;
அரசியல் இலாபம் ஒருபோதும் காணாதவர் !

ஒவ்வொரு நொடிபொழுதும்
உலக மாந்தர்களின் உதடுகளில்
உச்சரிக்கப்படுவது இவர்பெயர்தான் !

சலாவாத்து எனும் வாழ்த்துத்தூதை
சர்வநேரமும் சார்த்துவது – இந்த
சர்தார் நபிகளுக்குத்தான் !

அவதூறு சொன்னால்
ஆர்த்தெழுகிறோம்;
ஆவேசத்தின் ஆழம்
அவசியம் அறிந்திடுவீர் !

கேவலப்படுத்துவோர்க் கெதிராய்
கிளர்ச்சிகள் செய்கிறோம்;
காரணம் தெரிகிறதா?

பொய்யுரைத்தால் பொங்கி எழுகிறோம்
புரிகிறதா ஏனென்று?

அற்ப பதர்களே !
அறிந்துக் கொள்ளுங்கள் !!

உண்மையான விசுவாசி
எதையும் பொறுத்துக்கொள்வான்

ஆனால்
உயிரினும் மேலான
உத்தமரை இழித்துரைத்தால்
ஒருபோதும் பொறுக்க மாட்டான் !
உயிர்தரவும் தயங்கமாட்டான் ! !

நாடி நரம்புகளில் இரண்டறக் கலந்தவரை
பேடிகள் நீங்கள் பழித்துரைக்க நினைத்தால்
வேடிக்கை மனிதராய் வீழ்வோம் எனமட்டும்
விளையாட்டாகவும் எண்ணாதீர் !!

– அப்துல் கையூம்

 

Advertisements
 

Tags: ,

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

 
%d bloggers like this: