RSS

தேர்தல் உற்சவம்

23 Feb

மிகெ

காகங்கள் கர்ஜிக்கும் !
கழுதைகள் பிளிறும் !
ஆகா! இவரா அந்த இரட்சகர் என
அப்படியே அசர வைக்கும் !
போகாத ஊருக்கு வழி சொல்லும் !
பொய்மையும் புரட்டும் பல்லிளிக்கும் !
நாகங்கள் நட்பு பாராட்டும் !
நம்தலையில் மிளகாய் அரைக்கும் !

வாலறுந்த பட்டமாய்
வாக்குறுதி வானிலே பறக்கும் !
நீலிக்கண்ணீர் வழிந்தோடும் !
நெடுந்தூரப் பயணம் மேற்கொள்ளும் !
கூலிக்கு மாரடிக்கும் குண்டர்களின்
கொட்டம் எல்லை மீறும் !
காலிகளின் பக்கம் காவல்துறை
கால்கடுக்க துணைநிற்கும் !

கூடா நட்புகள்
கூட்டணி அமைக்கும் !
நாடாளத் துடிக்கும் !
நாளும் நிறம் மாறும் !
மாடாய் உழைக்கும்;
மக்களை ஏமாற்றும் !
வீடு வீடாய்ப் படியேறும் !
வீண் ஜாலங்கள் புரியும் !

ஒண்ட வந்த பிடாரிகள்
ஊர்ப்பிடாரியை ஓட்டும் !
கண்ட கண்ட கழிசடைகள்
கண்ணியம் நமக்கறிவுறுத்தும் !
தெண்டச்சோறுகள் திராவிடம் உரைக்கும் !
தறுதலைகள் களிமிறங்கி தேசியம் பேசும் !
வண்டவாளங்கள் சிலரது அரங்கேறும்
வாசலைத்தேடிவந்து கும்பிடுபோடும் !

ஊடகங்கள் ஊரை இரண்டாக்கி
ஊர் சிரிக்க வைக்கும் !
வேடதாரி பேர்வழிகள்
விடம் மறைத்து வேடிக்கை காட்டும் !
ஆடற்காரிகள் தெய்வமாகும் !
அரசியல் வாரிசுகள் உருவெடுக்கும் !
பாடாவதிகள் பாவப்பட்ட மக்களை
பரிதவிக்கவிட்டு அதுகள் பணம் நிரப்பும் !

– அப்துல் கையூம்

 

Advertisements
 

Tags: ,

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

 
%d bloggers like this: