RSS

அன்று சொன்ன வார்த்தை

24 Feb
Hope

கவிஞர் இஜட் ஜபருல்லாஹ்

எல்லா நேரத்துக்கும் பொருந்தும் வகையில் கவிதை எழுதக்கூடிய தீர்க்க தரிசன ஆற்றல் ஒரு சில கவிஞர்களுக்கே உரித்தான பண்பு. அவ்வரிசையில் எங்களுர் கவிஞர் இஜட் ஜபருல்லாஹ்வை எனக்கு மிகவும் பிடிக்கும். எத்தனையோ ஆண்டுகட்கு முன்னர் அவர் எழுதிய கவிதை இது. அழைப்பிதழ் அட்டைகளிலும், அழைப்பிதழ் உறைகளிலும், துண்டு துண்டு காகிதங்களிலும், கையில் கிடைக்கும் எந்த ஒரு வெற்றுக் காகிதங்களிலும் தன் எண்ணச் சிதறல்களை கவிதையாக கிறுக்கி வைப்பார்.

அவருடைய துண்டுக் காகிதங்களை பொறுக்கி, பொக்கிஷமாக பாதுகாத்து, அவ்வப்போது பதிந்து வருபவர்கள் சிலர். அதில் முக்கியமாக குறிப்பிடப்பட வேண்டியவர்கள் நாகூர் ரூமி, எழுத்தாளர் ஆபிதீன், சிங்கை முகம்மது கெளஸ் (ஹாஜி மரைக்காயர்) மற்றும் ஹமீது ஜாஃபர். இப்படியாக கிறுக்கிவைக்கப்பட்ட கவிஞர் ஜபருல்லாஹ் அவர்களின் கவிதைகளை தொகுத்து ஒரு நூலாக வெளியிட்ட நாகூர் ரூமியை இலக்கிய உலகம் என்றும் நினைவு கூறும்.தனது வலைப்பூவில்தொடர்ச்சியாக பதிந்துவரும் ஆபிதீனின் பங்களிப்பும் அளவிடற்கரியது.

“நல்லதோர் வீணை செய்தே அதை நலங்கெட புழுதியில் எறிவதுண்டோ” என்ற ஆதங்கத்துடன் பத்திரப்படுத்தி அவரது கவிச்சுவையை உலகுக்கு எடுத்துரைக்கும் இவர்களுடைய பங்கு போற்றுதலுக்குரியது.

இதேபோன்று துண்டுக்காகிதத்தில் கவிஞர் இஜட் ஜபருல்லாஹ் எழுதிக் கொடுத்த இக்கவிதை வரிகளை இன்று தற்செயலாக படிக்க நேர்ந்தது. “அடப் பாவி மனுஷா! 2016 தேர்தல் நிலவரத்தை அப்பொழுதே எழுதி வைத்து விட்டீரே..! என்று மனதுக்குள் அவரைப் பாராட்டிக் கொண்டேன்.

Zafarullah kavithai

 

ஆடுகளும் புலிகளும்
ஐக்கியமாகி
ஒரே பட்டியில்.. !

சிங்கங்கள்
பிடறி மயிரை
சிரைத்துக் கொண்டு
பெருச்சாளிகளுடன்
ஒரே பொந்துக்கள்.. !

குள்ள நரிகளோடு
வெள்ளைக் குதிரைகள்
ஒரே சேணத்தில்… !

பருந்துகளும்
புறாக்களும்
ஒரே கிளையில்..!

காகங்களோடு
குயில்கள்..
கானம் இசைத்துக் கொண்டு
ஒரே சுதியில்.. !

பச்சோந்தி மட்டும்
எப்போதும் போல
அவ்வப்போது
நிறத்தை மாற்றிக் கொண்டு

என்ன
நடக்கிறது..?
காட்டிலும்
தேர்தலாம்..!

இதோ சாம்பிளுக்கு ஆபிதீன் பக்கத்தில் காணப்படும் ஒரு அடித்தல் திருத்தல் கிறுக்கல் கவிதை.

ஆபிதீன்

Advertisements
 

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

 
%d bloggers like this: